 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Jak zasmahły za pieśniami ščyhieł,
prylacieła iz vyraju j ja...
Znoŭ stupaju niaŭmytaj Niamihaj,
znoŭ suhuččami dumki pylać.
Tak ich šmat,
što nia złoviš rukami,
u admierany rytm nie ŭvahnieš.
Biełaj brahaju pyrskaje, plamić
tvar moj
pieršy, jšče vosieński śnieh!
Sercu ciesna u sietcy adziežyn,
stolki sił naźbirała ja ŭ im!
Siańnia –
ŭsie ja paznosiła b miežy,
siańnia –
ŭ piekła pajšła b, jak u dym!
Hnuć śpinu prad biadoj –
pieražytak,
šče durniej –
ščeciaj runnaj dryžeć...
Nie bajacca davajma,
a žyta
našaj dołi vyśpielvać barzdžej!
A jak kon naparu i udaryć
kułakom ałavianym z plača
pa viatrami raspalenym tvary –
škoda siłaŭ i śloz –
raspačać!
Lepiej žyły suchija napružyć,
ścisnuć palcaŭ pruhkich pieciarni –
mima ściežak čužych
i kalužyn
vyjści ščaście svajo baranić!
1942, Miensk.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
